Capítulo 1
Cannas
2026
Os tres elementos.
Eran fíos de agave torcidos en espiral formando o ADN nunha soa corda, como as cordas do Campo das Rodas no areal de Rodeira; eran varas de vime amargo da Golvada facendo un feixe, era unha pola seca de feixoa da agra de Salgueiro.
A corda primigenia formando nós, os nós da xávega, na teoría de grafos.
Os vimbios tecidos figuraban peixes. Había tres peixes na rede, e un cuarto peixe quedara ceibe.
Había unha pegada que parecía un código binario dun xogo de fundir a Armada.
Agora estaba todo o conxunto pendurando naquel paramento da sala.
Era Ichthys.
